Heey luukes, vandaag es een post in ut limburgs,
joa, carnaval steit weer veur de deur. Mien pekste
is bienoa aaf … mien tante is dus zo’n cape of wie
se ut auch wils neume aan ut maken van een lap
zwarte stof … en dan goan ich murge auch nog
zwarte verf kaupe veur mien hoar, jajoa, ich mot
toch waal gekaandoon wat bie mien nickname pas he
“TheDarkness” zo heit ich al sinds december op de
chatroom, veur de luukes die waal es op de BlaatSchaap
chatroom komme, ich zal auch fotookes op ut forum
zitte he, dan kinne auch de neet limburgers es zeen
wat carnaval is, want ich dink neet dat ze in america,
scandinavie of portugal ut limburgs carnaval kinne.

Dus wat geit d’r gebeure ? Zondig gaon ich noa
Haelder, zoget rond ein oer, dan gaon ich mit
Joyce doa noa de optoch kieke, en doanoa zeen
veer waal wat d’r wier geit gebeure, en dan
moandig, noa mestreech, goan ich dus mit
Joyce haer, dan treffe veer doa Damiën,
want Joyce en ich blieve dan ‘s oavend bie
Damiën pitten, och joa , en dan zeen veer doa de
rest auch waal he, Tom en Chloé bedoel ich doamit.
Ich höb Tom en Chloé eigenlijk al vûl te lang neet
mèr gezeen … mejoa … ze loate zich allebei eigenlijk
neet mèr bie Demos zeen, en dat is eigenlijk de enige
plek wo ich ze normaal zoag, meh doa mot verandering
in komme ving ich, meh ich höb eigenlijk nwoats gedurf
es noa hun toe te goan of zo, me wat lig ich noe te zeuren,
moandig geit echt leuk waere, ‘t is dan de iearste kjear dat
ich de vasteloavend in de stad vier, ummer hie in ut durp
gevierd …

en dinsdig höb ich nog niks gepland … mejoa,
de carnavalsdaag stoan weer veur de deur, en ich
wins jederein vûl plezeer toe mit dees daag …

Alaaf en Allewiel !!!

« »